jungjunan,
peuting leungiteun simpé
ngaheruk di parapatan
neuteup pulas konéas
sésa-sésa gambar trésna
grafiti wanci bihari
hariring ti jalan dago
aweuhan tan ngawirahma
mingkin peura mingkin suda
kasilih pagaliwota
roda-roda, hégak jalma
lan sora taya reureuhna
sajak layar videotron
léngkah demi léngkah
meuntas bulungbung lulurung
mandara waruga tibra
jero angkot nu réréndéngan
luhureun granit impian
nyungsi peuting mapag sugan
di parapatan
palebah wangunan lawas
nu rubuh kalindih jaman
gigireun jungkiring sigrong
lambang gebyar kamajuan
randegna nu panungtungan
mungkas carita kamelang
No comments:
Post a Comment